سۆران ڕەحیمی، خەڵکی شاری سەقز کە نزیک بە چوار مانگە لەلایەن هێزە حکوومەتییەکانەوە دەستبەسەر کراوە، لە ماوەی ڕابردوودا مانی لە خواردن گرتووە و بۆ وازهێنانی ناوبراو لە دادخواریی خوێنی باوکی کە لەلایەن هێزەکان حکوومەتەوە کوژراوە، لەژێر گوشار و ئەشکەنجەی هێزە حکوومەتییەکاندایە.
بەپێی ڕاپۆرتەکان لە ڕۆژی سێشەممە، ٢٢ی خاکەلێوەی ٢٧٢٣ (١١ی ئەپریلی ٢٠٢٣)، سۆران ڕەحیمی، تەمەن ٢٩ ساڵ و خەڵکی شاری سەقز، بە نیشتانەی ناڕەزایەتی لەسەر دەستبەسەرکردنی ناڕەوای خۆی لەلایەن هێزە حکوومەتییەکانەوە، لە بەندیخانەی حکوومەت لە نەغەدە مانی لە خواردن گرتووە.
جێگای ئاماژەیەناوبراو لە ماوەی ڕۆژانی ڕابردوودا لە بەندیخانەی حکوومەت لە نەغەدە بووراوەتەوە و بەو حاڵەشە نە بۆ دەرمانگەی بەندیخانە گواستراوەتەوە و نە بۆ ناوەندە دەرمانییەکانی دەرەوەی بەندیخانە و هەروەها محەممەدی، بەرپرسی ئەو بەندیخانەیە پێشگیریی لە چارەسەریی دەرمانیی ئەو بەندکراوە کردووە.
