کۆڵبەرێکی خەڵکی هەورامان بەهۆی کەوتنەخوارەوەی لە بەرزایی بە سەختی برینداربوو.
بەپێی ڕاپۆرتی کۆڵبەرنیوز، سەرلەبەیانی سێشەمە ٢٢ ڕەشەمەی ١٤٠٢، بەهۆی کەوتنەخوارەوە لە بەرزایی هێڵی سنووری تەتەی هەورامان، کۆڵبەرێک بە ناوی «مەنسور عەزیزی» ٣٥ ساڵ تەمەن،هاوڵاتی خەڵکی هەورامان بە سەختی برینداربوو.
شایانی باسە،ئەم کۆڵبەرە بۆ چارەسەری برینەکانی ،بۆ نەخۆشخانە گوازرایەوە و دۆخی تەندروستی ناوبراو ناجێگیر ڕاگەیەندراوە.
بەپێی ئەو ئامارانەی ٢٠٢٣ لە کۆڵبەرنیوز تۆمارکراون، ٢٩٩ کۆڵبەر لە سنورەکان و ڕێگای نێوان ئازەربایجانی ڕۆژئاوا، کوردستان و کرماشان بە هۆکاری وەک تەقەی ڕاستەوخۆی هێزەکانی ڕژێم، هەرەسی ڕەنوو، بەستەڵەک، کەوتنە سەر مین، کەوتنە خوار لە شاخ، بەرزایی و حاڵەتی دیکە کوژران و بریندار بوون. لەم ژمارەیە ٣٢ کۆڵبەر (١١%) کوژران و ٢٦٧ کۆڵبەر (٨٩%) بریندار بوون. بە گشتی ٢٩٩ کۆڵبەر کە کوژران و بریندار بوون، ٢٦١ حاڵەت (٨٧%) بە تەقەی ڕاستەوخۆی هێزەکان بووە. بە گشتی ٢٩٩ کۆڵبەر کە کوژران و بریندار بوون، ٣٠ لەوانە منداڵی خوار ١٨ ساڵن.
