دوو هاوڵاتی خەڵکی نەغەدە بە ناسنامەی «مەحموود خودادادی و هێمن ڕەحیمی» لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز ڕۆژی یەکشەممە ١٦ سەرماوەزی ١٤٠٤، هێزەکانی ئیدارەی ئیتلاعاتی شاری نەغەدە، «مەحموود خودادادی و هێمن ڕەحیمی» بە جیاواز و توندوتیژانە لە شوێنی کارەکەیان دەستبەسەرکردووە. بەپێی ئەم ڕاپۆرتە، هێزەکانی ڕژیم پاش دەستبەسەرکرانی ئەم دوو هاوڵاتییە، پشکنینی ماڵەکانیان کردوون و زیانیان بە ماڵەکانیان گەیاندوون. شایانی باسە، هێزەکانی ڕژیم بەبێ بڕیاری دادوەر ئەم هاوڵاتییانەی دەستبەسەرکردووە.
تا کاتی نووسینی ئەم ڕاپۆرتە هۆکارەکانی دەستبەسەریی، شوێنی زیندانیی و تۆمەتەکانی دژی ئەم هاوڵاتییانە نادیارە.
