مینا سوڵتانی، دایکی گیانبەختکردووی شۆڕشی ژینا شەهریار محەمەدی، لەلایەن هێزە ئەمنیەکانی بۆکان دەستبەسەرکرا.
بەپێی ڕاپۆرتی کۆڵبەرنیوز چوارشەمە ٢١ی خەرمانانی ١٤٠٣ مینا سوڵتانی، دایکی گیانبەختکردووی شۆڕشی ژینا شەهریار محەمەدی، لەلایەن هێزە ئەمنیەکانی ڕژیم دەستبەسەرکرا و بۆ شوێنێکی نادیار گوازرایەوە. بەپێی ئەم ڕاپۆرتە هێزە ئەمنیەکان هێرشیان کردە ماڵی گیانبەختکردوو شەهریار محەمەدی و بەبێ بڕیاری دادگا دەستبەسەرکرا. سەرچاوەیەکی ئاگادار لەمبارەوە بە کۆڵبەرنیوزی گوت دەستبەسەری دایە مینا لەلایەن هێزەکانی ئیدارەی ئیتلاعات ئەنجامدراوە.
شەهریار محەمەدی، لە ٢٧ی ڕەزبەری ١٤٠١ لە شۆڕشی ژینا لەلایەن هێزە سەرکوتکەریەکانی ڕژیم لە بۆکان کوژرا.
