«ماهان ئەعزەمی، ئەدیب ساڵخوردە، کامران مورادی، محەممەد هیجرانی، هیوا وەیسی و یەحیا دەروێشی»، شەش چالاکوانی مەدەنی و ژینگەیی خەڵکی شاری جوانڕۆ، دوای ١٥ ڕۆژ لە دەستبەسەرکران، بە شێوەیەکی کاتی و بەدانانی بارمتە ئازادکران.
بەپێی ڕاپۆرتی کۆڵبەرنیوز، ڕۆژی شەممە ١١ی رێبەندانی ١٤٠٤، «ماهان ئەعزەمی، ئەدیب ساڵخوردە، کامران مورادی، محەممەد هیجرانی، هیوا وەیسی و یەحیا دەروێشی»، شەش چالاکوانی مەدەنی و ژینگەیی خەڵکی شاری جوانڕۆ، دوای نزیکەی دوو هەفتە لە دەستبەسەرکران، بە دانانی بارمتە و بە شێوەیەکی کاتی ئازادکران.
بەپێی ئەم ڕاپۆرتە، ئەم هاوڵاتیانە ئێوارەی ڕۆژی شەممە ٢٧ی بەفرانباری ١٤٠٤، لەلایەن هێزە ئەمنییەکانەوە لە جوانڕۆ و بەبێ بوونی بڕیاری دادوەری دەستبەسەرو بۆ شوێنێکی نادیار گواستراونەتەوە. دەوترێت دەستبەسەرکرانی ئەم چالاکوانانە پەیوەندی بە چالاکییە مەدەنی و ژینگەییەکانیانەوە هەیە.
ئەم شەش چالاکوانە لە ماوەی دەستبەسەرکرانیاندا، دەرفەتی دیدارر لەگەڵ خێزان و بەدواداچوونی یاسایی کاریگەریان نەبووە و دۆخی ڕاگرتن و پرۆسەی دەستبەسەرکرانیان لەگەڵ نیگەرانیدا بەرەروو بووە. تا کاتی ئامادەکردنی ئەم ڕاپۆرتە، هیچ زانیارییەک لەبارەی تۆمەتەکانی دژی ئەم هاوڵاتیانە لەبەردەستدا نییە.
