سلێمان بایسە، محەمەد ناسری، حاجی سەرافی و عوسمان، چوار هاووڵاتی شاری سەردەشت لەلایەن هێزەکانی ڕژیم لەم شارەدا دەستگیرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، ڕۆژی سێشەمە ٢٤ی پووشپەڕی ١٤٠٤، سلێمان بایسە خەڵکی گوندی “دۆڵەتوو”، محەمەد ناسری خەڵکی گوندی “ساوان”، حاجی سەرافی خەڵکی گوندی “گورشیر” و عوسمان خەڵکی گوندی “دۆڵەتوو”، لەلایەن هێزەکانی ڕژیم لە شاری سەردەشت دەستگیرکرا و بۆ شوێنێکی نادیار گواسترانەوە.
بەپێی ئەم ڕاپۆرتە، ئەم چوار هاووڵاتییە هاوکات و بەبێ بڕیاری دادوەر لەلایەن هێزەکانی ڕژیم دەستگیر کراون.
تا کاتی نووسینی ئەم ڕاپۆرتە، هۆکارەکانی دەستگیرکران، شوێنی مانەوە و تۆمەتەکانی دژی ئەم هاووڵاتییانە نادیارە.
