ماڵی موختار ئەسەدی، چالاکی سنفی فەرهەنگیانی دانیشتووی سنە لەلایەن هێزە ئەمنیەکانەوە پشکنیوە.
بەپێی ڕاپۆرتی کۆڵبەرنیوز بە وەرگرتنی لە شورای هاوکاری ڕێکخراوانی سنفی فەرهەنگیانی ئێران، ڕۆژی یەکشەمە ٢٨ی گەلاوێژی ١٤٠٣، ماڵی موختار ئەسەدی لەلایەن هێزە ئەمنیەکانەوە پشکنیوە. بەپێی ئەم ڕاپۆرتە، هێزە ئەمنیەکان لەکاتێکدا ناوبراو لە ماڵەوە نەبووە، بۆ ئازاردانی ئەندامانی بنەماڵەی ئەم چالاکەی سنفی مامۆستایان، ماڵی ناوبراویان پشکنیوە.
شایانی باسە، ناوبراو لە گوڵانی ئەمساڵدا بۆ ئیدارەی ئیتلاعاتی سنە بانگهێشت کرا و لێکۆڵینەوەی لەگەڵ کرابوو. موختار ئەسەدی، پێشتریش بەهۆی چالاکیەکانی سنفی خۆیەوە دەستبەسەرکردن و مامەڵەی یاسایی هەبووە.
