محەمەد خەزری و زاهیر مەحموودیان، ٢ هاوڵاتی شاری شنۆ، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، ڕۆژی شەمە ٣١ی خاکەلێوەی ١٤٠٤، محەمەد خەزری و زاهیر مەحموودیان، ٢ هاوڵاتی گوندی «شاوانە» سەربە شاری شنۆ، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گواسترانەوە. بەپێی ئەم ڕاپۆرتە، هێزە ئەمنییەکان هێرشیان کردە سەر ماڵی ئەم ٢ هاوڵاتییە و بە توندوتیژی ئەم هاوڵاتییانەیان دەستبەسەر کردووە.
تا کاتی نووسینی ئەم ڕاپۆرتە، زانیارییەک لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاوڵاتییانە بەردەست نییە.
