ئارام ئاڵی، کەمال قازانی، ڕەحیم قادری، کامەران غەزالی، عوسمان عومەرنەژاد، شێرزاد شێخی، بێهزاد مەسلەحەت، بێهروز حەمزەپوور، محەمەد حسێن پوور، ڕەحیم ئەحمەدزادە و محەمەد ئەحمەد پوور لەگەڵ ٢ لاو بە ناوەکانی شاکار عومەرزادە و بڕیار محەمەدیانی، لەلایەن هێزە ئەمنییەکانەوە لە شاری سەردەشت دەستبەسەرکران. ئەم هاوڵاتییانە پاش ٢ ڕۆژ بە دانانی بارمتە ئازادکران.
بەپێی ڕاپۆرتی کۆڵبەرنیوز، ٢٩ی ڕەشەمەی ١٤٠٣، لە پەیوەست لەگەڵ بەڕێوەچوونی جەژنی نەورۆز لە گوندی «دۆڵەگەرم» سەربە شاری سەردەشت، لانیکەم ١٣ هاوڵاتی دەستبەسەرکران. ناسنامەی ١١ هاوڵاتی لە دەستبەسەرکراوان، ئارام ئاڵی، کەمال قازانی، ڕەحیم قادری، کامەران غەزالی، عوسمان عومەرنەژاد، شێرزاد شێخی، بێهزاد مەسلەحەت، بێهروز حەمزەپوور، محەمەد حسێن پوور، ڕەحیم ئەحمەدزادە و محەمەد ئەحمەدپوور، ڕاگەیەندراوە. ٢ لاویش بە ناوەکانی شاکار عومەرزادە، تەمەن ١٠ ساڵ و بڕیار محەمەدیانی، تەمەن ١٤ ساڵ، لەگەڵ ئەم هاوڵاتییانەدا دەستبەسەرکراون.
بەپێی ئەم ڕاپۆرتە، ئەم هاوڵاتییانە لە ١ی خاکەلێوەدا، بە دانانی بارمتە لە گرتووخانەی ئیدارەی ئیتلاعاتی شاری سەردەشت ئازادکران. لەم ڕاپۆرتەدا هاتووە، هاوڵاتییەکی ژن بە ناوی «ئازیز حسێن پوور»، لەلایەن ئیدارەی ئیتلاعاتی شاری سەردەشت بانگهێشت و لێپرسینەوەی لێکراوە. تا کاتی نووسینی ئەم ڕاپۆرتە، لە هۆکارەکانی دەستبەسەری، بانگهێشت و تۆمەتەکانی دژی ئەم هاوڵاتییانە، زانیارییەک لەبەردەستدا نییە.
