«نەوزاد بەهرامی»، هاوڵاتی خەڵکی شاری مەریوان تا ئێستا لە گرتووخانەی ئیدارەی ئیتلاعاتی شاری سنە لە چارەنووسێکی نادیاردا بەسەر دەبات.
بەپێی ڕاپۆرتی کۆڵبەرنیوز، نەوزاد بەهرامی، لە گرتووخانەی ئیدارەی ئیتلاعاتی شاری سنە لە چارەنووسێکی نادیاردا بەسەردەبات. بەپێی ئەم ڕاپۆرتە، نەوزاد بەهرامی، لە ٢٣ی ڕێبەندانی ١٤٠٣، لە کاتی دەستبەسەرکرانیدا لە هەرێمی کوردستان لە سنوری باشماخ لەلایەن هێزە ئەمنییەکانەوە دەستبەسەرکرا.
ناوبراو بە مەبەستی لێپرسینەوە بۆ گرتووخانەی ئیدارەی ئیتلاعاتی شاری سنە گواسترایەوە.
ناوبراو لە ماوەی دەستبەسەرکرانیدا لە هەبوونی پارێزەر و بینینی بنەماڵەکەی بێبەش بووە.
تا کاتی نووسینی ئەم ڕاپۆرتە، لە هۆکارەکانی دەستبەسەرکران و تۆمەتەکانی دژی ئەم هاوڵاتییە، زانیارییەک لەبەردەستدا نییە.
