مەهسا زارەعی، لە چالاکانی فەرهەنگی و مافی ژنان لە شاری کرماشان، لەلایەن هێزە ئەمنییەکانی ئەم شارە دەستبەسەرکرا و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی یەکشەمە چواری جۆزەردانی ١٤٠٤، مەهسا زارەعی، تەمەن ٣٣ ساڵ و لە چالاکانی فەرهەنگی و مافی ژنان لە شاری کرماشان لەلایەن هێزە ئەمنییەکان دەستبەسەرکرا و بۆ شوێنێکی نادیار گواسترایەوە. بەپێی ئەم ڕاپۆرتە، هێزە ئەمنییەکان بەبێ بڕیاری دادوەر هێرشیان کردە سەر ماڵی ئەم هاووڵاتییە و ماڵەکەیان پشکنیووە و ناوبراویان دەستبەسەر کردووە.
تا کاتی نووسینی ئەم ڕاپۆرتە، هۆکارەکانی دەستبەسەری، شوێنی مانەوە و تۆمەتەکانی دژی ئەم هاووڵاتییە نادیارە.
