“مەنیژە خۆشنود”، هاووڵاتی دانیشتووی شاری بۆکان سەرەڕای تێپەڕبوونی ٢٧ ڕۆژ لە دەستبەسەرکرانی، هێشتا لە چارەنووسێکی نادیار و دەستبەسەریدا بەسەردەبات. نادیاری لە دۆخی ئەم هاووڵاتییە، نیگەرانی بنەماڵە و کەسوکارەکەی زیاتر کردووە.
بەپێی ڕاپۆرتی کۆڵبەرنیوز بە تێپەڕبوونی زیاتر لە ٢٧ ڕۆژ لە دەستبەسەرکرانی، مەنیژە خۆشنود هێشتا دەستبەسەرە.
بەپێی ئەم ڕاپۆرتە، سەرەڕای بەدواداچوونی بنەماڵەی ناوبراو لە هێزە ئەمنیەکانی شاری بۆکان و ورمێ، لەبارەی دۆخ و شوێنی مانەوەی ناوبراو وەڵامێکی ڕوونیان پێ نەدراووتەوە. ئەمەش نیگەرانی بنەماڵە و کەسوکاری ئەم هاووڵاتییە دەستبەسەرکراوەی زیاتر کردووە. ناوبراو لە ئەگەری پێوەندی کردن، بینینی بنەماڵە و هەبوونی پارێزەر بێبەش کراوە.
“مەنیژە خۆشنود”، ٥٦ ساڵ تەمەن و هاووڵاتی شاری بۆکان لە ١٠ی گەلاوێژی ١٤٠٣، لەلایەن هێزە ئەمنییەکانەوە دەستبەسەرکرا. تا کاتی نووسینی ئەم ڕاپۆرتە، لەو تۆمەتانەی ئاڕاستەی ناوبراو کراون زانیارییەک لەبەردەستدا نییە.
