«مێهدی عەببدڵڵاهی»، هاووڵاتییەکی کوردی ٣٦ ساڵ، خەڵکی شاری قوروە و دانیشتووی تاران، یەکێکی تر لە گیانبەختکردووانی نارەزایەتییە جەماوەرییەکانە لە تاران.
بەپێی ڕاپۆرتی کۆڵبەرنیوز، ئێوارەی هەینی، ١٩ی بەفرانباری ١٤٠٤، مێهدی عەبدڵڵاهی لە کاتی نارەزایەتییە جەماوەرییەکانی تاران و لە ناوچەی تەجریش، بە تەقەی ڕاستەوخۆی هێزە سەرکوتگەرەکانی کۆماری ئیسلامیی ئێران کرایە ئامانج و گیانی لەدەستدا. ئەم هاووڵاتییە کوردە بە پێکانی سێ گوللەی جەنگی لە «دڵ و سنگ»یدا کوژرا.
بەپێی زانیارییە بەدەستهاتووەکان، مێهدی عەبدڵڵاهی پێشتر شۆفێری پلەیەک بووە و لە ماوەی پێنج ساڵی ڕابردوودا وەک بەڕێوەبەری فرۆشتنی بیمەی پاسارگاد لە تاران چالاکی کردووە. وە هەروەها ناوبراو دەستگیراندار بوو.
دوای گیانبەختکردنی ناوبراو ، دامەزراوە ئەمنییەکان بە جێبەجێکردنی فشار لەسەر خێزانەکەی هەوڵیاندا ڕێگری لە ڕاگەیاندنی گشتی بکەن و ڕادەستکردنی تەرمەکەشی لەژێر چاودێری و سنوورداریی ئەمنیی توندەوە ئەنجامدراوە.
