سێ هاوڵاتی دیکەی خەڵکی دەڕەشەهر و دێلوران لە پارێزگای ئیلام لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، ڕۆژی هەینی ١٢ بەفرانباری ١٤٠٤، سێ هاوڵاتی دیکە بە ناوەکانی «شایان ئەسڵ مەرز، کوروش نوری و ئومید بەیرانوەند» لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
بەپێی ئەم ڕاپۆرتە، «شایان ئەسڵ مەرز» خەڵکی دەڕەشەهر و «کوروش نوری و ئومید بەیرانوەند» خەڵکی دێلوران لە پارێزگای ئیلامن کە بەبێ بڕیاری دادوەر دەستبەسەرکراون.
تاکاتی نووسینی ئەم ڕاپۆرتە، لە هۆکارەکانی دەستبەسەرکران، شوێنی مانەوە و تۆمەتەکانی دژی ئەم سێ هاوڵاتییە زانیارییەک لەبەردەستدا نییە.
