عابد مورادی و ئارمان مورادی، دوو هاووڵاتی خەڵکی شاری دیواندەرە، لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرانەوە.
بەپێی ڕاپۆرتی کۆڵبەرنیوز، ڕۆژی پێنجشەممە ٢٣ی خەرمانانی ١٤٠٢، دوو هاووڵاتی خەڵکی گوندی “دەرەگاوان”ی دیواندەرە لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار ڕاگوێزراون. بەپێی ئەم ڕاپۆرتە، هێزە ئەمنییەکان لە گوندی دەرەگاوان هەڵیانکوتایە سەر ماڵی تایبەتی ئەو دوو هاووڵاتییە و دەستبەسەریان کردوون.
هێزە ئەمنییەکان بەبێ فەرمانی دادگا ئەو هاووڵاتییانەیان دەستگیرکردووە و تا کاتی نووسینی ئەم هەواڵە هیچ زانیارییەک لەبارەی شوێنی نیشتەجێبوون و تۆمەتی ئەو هاووڵاتییانە لەبەردەستدا نییە.
