فەرزاد شیری، هاووڵاتییەکی خەڵکی شاری دیواندەرە، جارێکی دیکە لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی یەکشەممە ٩ی ڕەزبەری ١٤٠٢، فەرزاد شیری، هاووڵاتییەکی خەڵکی شاری دیواندەرە، لە ماوەی مانگی ڕابردوودا بۆ جاری دووهەم لەلایەن هێزە ئەمنییەکانی ئەو شارە دەستبەسەر و بۆ شوێنێکی نادیار گوازراوەتەوە. جێگای ئاماژەیە کە ئەم هاوڵاتییە لە ٢٣ی خەرمانانی ١٤٠٢ لەلایەن هێزە ئەمنییەکانەوە دەستبەسەر و دواجار دوای هەفتەیەک بە دانانی کەفالەت ئازاد کراوە.
هێزە ئەمنییەکان بەبێ فەرمانی دادگا ئەم هاوڵاتییەیان دەستگیر کردووە. تا بڵاوبوونەوەی ئەم ڕاپۆرتە هیچ زانیارییەک لەسەر هۆکاری دەستگیرکردن و تۆمەتەکانی ئەم هاوڵاتییە لەبەردەستدا نییە.
