لە سەرەتای ساڵ تا کۆتایی خاکەلێوەی ١٤٠٣، لانیکەم ٤٩ کۆڵبەر و هەروەها ٤ منداڵی کۆڵبەر، کوژران و بریندارکران.
بەپێی ڕاپۆرتی کۆڵبەرنیوز، داتاکانی کە لە ناوەندی ئاماری کۆڵبەرنیوز تۆمارکراون، ئەوە نیشان دەدات بە دەستپێکی ساڵی ١٤٠٣ بۆ کۆڵبەران لە سنوورەکانی کوردستان، تەواو بە توندوتیژی و کوشتاربووە و لەم ماوەیەدا (لە سەرەتای ساڵ تا کۆتایی خاکەلێوەی ١٤٠٣)، ١٠ کۆڵبەر بەهۆکارەکانی وەک تەقەی ڕاستەوخۆی هێزەکانی ڕژیم کوژران و ٣٩ کۆڵبەری دیکەش برینداربوون. ٦٣٪ لەم ژمارەیە بە تەقەی ڕاستەوخۆی هێزەکانی ڕژیم بووە.
بەپێی ئەم ڕاپۆرتە (هەستیار عەبدولکەریم) منداڵێکی کۆڵبەری ١٥ ساڵ و خەڵکی دیواندەرە لە سنووری «میشاوی سەقز» بەهۆی سەرمابردوویەوە گیانی لەدەستدا و ٣ منداڵی کۆڵبەری دئکەش بەهۆی تەقەی ڕاستەوخۆی هێزەکانی ڕژیم و کەوتنە خوارەوە لە بەرزایی برینداربوون.
هەروەها لە خاکەلێوەی ١٤٠٣، منداڵێکی کۆڵبەری ١٧ ساڵ و خەڵکی شاری مەریوان بە ناسنامەی «دانیال مام ئەحمد» لەلایەن دادگای ئینقلابی ئیسلامی ئەم شارە بە ٢ ساڵ زیندانی، ٧٤ قامچی و بە پێدانی ٢ میلیار تمەن پارەی نەغدی مەحکووم کرا.
هەروەها ١٣ کۆڵبەری خەڵکی شاری پاوە لە سنووری “بیارە”ی هەرێمی کوردستان لەلایەن پاسەوانانی سنووری عێراق دەستبەسەرکران.
لە درێژەدا سەرنجتان بۆ فایلی PDFی ناو، و شوێن و چۆنیەتی کوشتن یان برینداربوونی کۆڵبەران لە خاکەلێوەی ساڵی ١٤٠٣ ڕادەکێشین:
