“ماردین ڕەسوڵ زادە”، ١٣ ساڵ تەمەن و “ئیحسان ڕەسوڵ زادە”، دوو برای خەڵکی شاری مهاباد لەلایەن هێزە ئەمنییەکانەوە دەستبەسەر و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز ڕۆژی چوارشەممە ٢٤ی گەلاوێژی ١٤٠٣، ماردین ڕەسوڵ زادە ١٣ ساڵ تەمەن و ئیحسان ڕەسوڵ زادە ٢٢ ساڵ تەمەن، دوو برای خەڵکی شاری مهاباد لەلایەن هێزە ئەمنیەکانەوە دەستبەسەرکران. بەپێی ئەم ڕاپۆرتە هێزە ئەمنیەکان بەبێ بڕیاری دادگا هێرشیان کردۆتە سەر ماڵی ئەم دوو هاووڵاتییە و لە گەڕەکی “ئەسحابە سپی” شاری مهاباد ئەم هاوڵاتیانەیان دەستبەسەرکردووە.
بەدواداچوونی بنەماڵەکەیان بۆ زانینی دۆخی منداڵەکانیان تا ئێستا بێ ئەنجام بووە و ناوەندە ئەمنیەکان هیچ وەڵامێکی دیاریکراو سەبارەت بە دۆخی ئەوان نادەنەوە و لە پێدانی هەر وەڵامێک خۆ دەبوێرن.
تا کاتی نووسینی ئەم ڕاپۆرتە لە هۆکارەکانی دەستبەسەرکران و تۆمەتەکانی دژی ئەم هاووڵاتیانە زانیارییەک لە بەردەستدا نییە.
