ڕەحمان تابێش، هاوڵاتییەکی خەڵکی شاری شنۆ، لەلایەن هێزە ئەمنییەکانی ئەو شارە دەستبەسەر کرا و بۆ شوێنێکی نادیار گوازرایەوە.
بە پێی ڕاپۆرتی کۆڵبەرنیوز، سەرلەبەیانی ڕۆژی دووشەممە ڕێکەوتی ١٠ی بەفرانباری ساڵی ١٤٠٣، ڕەحمان تابێش، هاوڵاتییەکی خەڵکی شاری شنۆ، لە لایەن هێزە ئەمنییەکانی ئەو شارەوە دەستبەسەر کرا و بۆ شوێنێکی نادیار گواسترایەوە. بە پێی ئەم ڕاپۆرتە، هێزە ئەمنییەکان کاتژمێر 4ی بەربەیانی هەڵیانکوتاوەتە سەر ماڵی ئەم هاوڵاتییە و بە شێوەیەکی توندوتیژانە دەستبەسەریان کردووە.
تا ئامادەکردنی ئەم ڕاپۆرتە هیچ زانیارییەک لەسەر هۆکار و شوێنی دەستبەسەرکران و ئەو تۆمەتانەی ئاراستەی ئەم هاوڵاتییە کراون لەبەردەستدا نییە.
ڕەحمان تابێش لە ڕابردووشدا پێشینەی دەستبەسەرکران و سزادرانی یاسایی هەبووە.
