کۆڵبەرنیوز بە پشتبەستن بە ئامارە کۆکراوەکانی، باس لە کوژران و برینداربوونی لانیکەم ٣٤٥ کۆڵبەر لە ساڵی ٢٠٢٤دا دەکات.
بەپشتبەستن بە ئامارەکانی کۆڵبەرنیوز، لە ساڵی ٢٠٢٤دا، بە کۆی گشتی ٣٤٥ کۆڵبەر لە ناوچە سنوورییەکان و ڕێگاکانی نێوان پارێزگاکانی ئازەربایجانی ڕۆژئاوا، کوردستان و کرماشان بە تەقەی ڕاستەوخۆی هێزەکانی ڕژیم، ڕنوو و سەرما، کەوتنەسەر مین، کەوتنەخوارەوە لە شاخ و بەرزایی و ڕووداوی دیکە کوژرا و بریندار بوون.
بە پێی ئەم ئامارە نوێیە، ئێمە شایەتی بەرزبوونەوەی ١٥٪ ڕێژەی کوژراو و برینداران بەراورد بە ساڵی ٢٠٢٣ن. لەم ڕێژەیە ٥٩ کۆڵبەر واتە (١٧٪) کوژراو و ٢٨٦ کۆڵبەر واتە (٨٣٪) بریندار بوون. لە کۆی گشتی ئەو ٣٤٥ کۆڵبەرەی کە لە ساڵی ٢٠٢٤دا کوژراو و بریندار بوون، ٢٥٩ حاڵەت واتە (٧٥٪) بە تەقەی ڕاستەوخۆی هێزەکانی ڕژیم ڕوویداوە. هەروەها لەم ژمارەیە ٢٢ کۆڵبەر واتە (٦٪) منداڵانی کۆڵبەری ژێر ١٨ ساڵ بوون کە یەکێکیان بەهۆی سەرما و بەستەڵەکەوە گیانی لە دەستداوە.
بۆ زانیاری زیاتر لەگەڵ ناوەکان بە شێوەی ڕیزبەندی و جیاکردنەوەی شار و پارێزگا لەم لینکەدا دەبینن؛
https://kolbarnews.com/wp-content/uploads/2024/12/kolbar2024.pdf
