هاووڵاتییەکی خەڵکی شاری بۆکان بە ناوی فاروق حوسێنی لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گوازرایەوە
بەپێی ڕاپۆرتی کۆڵبەرنیوز، ڕۆژی هەینی ٦ی ڕێبەندانی ١٤٠٢ هاووڵاتییەک لە شاری بۆکان دەستبەسەر کرا. ناسنامەی ئەم هاووڵاتییە فاروق حوسێنی کوڕی سەید ئەحمەد و خەڵکی شاری بۆکان ڕاگەیاندراوە.
بەپێی ئەم ڕاپۆرتە، ناوبراو بەرەبەیانی ڕۆژی هەینی بە توندوتیژی لە ماڵەکەی خۆیدا دەستبەسەر کراوە. هەروەها، هێزە ئەمنییەکان دوای پشکنینی شوێنی نیشتەجێبوونی ئەم هاووڵاتییە، دەستیان بەسەر مۆبایل و کۆمپیوتەرەکەیدا گرتووە. تا ئێستا هیچ زانیارییەک لەبارەی هۆکاری دەستگیرکردن و تۆمەت و شوێنی مانەوەی ناوبراو لەبەردەستدا نییە
