محەممەدعەلی وەیسی و سیروان خواکەرەمی، دوو هاوڵاتی خەڵکی سەقز، لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.

بەپێی ڕاپۆرتی کۆڵبەرنیوز ڕۆژی یەکشەممە هەژدەی خەزەڵوەری ١٤٠٤، محەممەدعەلی وەیسی و سیروان خواکەرەمی، دوو هاوڵاتی خەڵکی شاری سەقز لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
بەپێی ئەم ڕاپۆرتە، محەممەدعەلی وەیسی لە شوێنی کارەکەی و سیروان خواکەرەمی لە ماڵەکەیدا، بەبێ بڕیاری دادوەر دەستبەسەرکران.
تا کاتی نووسینی ئەم ڕاپۆرتە هۆکارەکانی دەستبەسەرکران، شوێنی مانەوە و تۆمەتەکانی دژی ئەم هاوڵاتیانە نادیارە.

