ڕۆژی دووشەممە ٣٠ی ڕێبەندانی١٤٠٢، هێزە ئەمنییەکان لە شاری کامێران هاووڵاتییەکیان بەناوی «سۆهراب گوڵ موحەممەدی» دەستبەسەرکرد.
بەپێی ڕاپۆرتی کۆڵبەرنیوز، هێزە ئەمنییەکانی ڕژیم لە شاری کامێران «سۆهراب گوڵ موحەممەدی»هاووڵاتی خەڵکی ئاوایی “گازرخانی” سەر بە شاری کامێران، لە دوای ڕۆیشتنی بۆ دادگای ئەوشارە دەستبەسەر و ڕاگوێزی شوێنێکی نادیاریان کرد.
شایانی باسە کە تا کاتی نووسینی ئەم هەواڵە هیچ زانیارییەک لەسەر هۆکاری دەستبەسەرکران و ئەو تۆمەتانەی خراونەتە پاڵ دۆسیەکەی بەردەست نیە.
لەماوی ڕابردوودا بە تایبەت لەدوای شۆڕشی ژینا، هێزە ئەمنی و سەرکوتگەرەکانی ڕژیم دەستیان داوەتەوە دەستبەسەرکرانی بە کۆمەڵی هاووڵاتیان و چالاکانی مەدەنی.
کۆڵبەرنیوز ڕایدەگەیەنێت کە ئیمکانی ئەشکەنجە و دانپێدانانی زۆرەملێی هاووڵاتیانی ڕفێندراو لەلایەن ڕژیمەوە زۆرە.
