١٧ مامۆستا لە کوردستان لەم ڕۆژانەی دواییدا لەلایەن دەستەی سەرپێچییەکانی کارگێڕی پەروەردە و فێربوون سزادران وەکو دەرکردنی هەمیشەیی، دەرکردنی کاتی، دوورخستنەوەی کارگێڕی و خانەنشینی ناچاری.
بەپێی ڕاپۆرتی کۆڵبەرنیوز بە وەرگرتنی لە شۆرای هەماهەنگی ڕێکخراوانی سنفی فەرهەنگیانی ئێران، سزاکانی دەرچوو بۆ ١٧ مامۆستا لەم ڕۆژانەی دواییدا بە ئەوان ڕاگەیەندراوە و بەپێی ئەمە، ٨ مامۆستا بۆ هەمیشەیی لە مامۆستایی دەرکراون؛ لەکاتێکدا ٧ مامۆستای دیکە بە زیاتر لە ٢٠ ساڵ ئەزموون خزمەتیان هەیە و هەبوونی بڕوانامەی ماستەر بوون. بەپێی ئەم ڕاپۆرتە، ٣ مامۆستای دیکە بە دەرکردنی کاتی لە خزمەت، ٣ مامۆستا بە خانەنشینی ناچاری لەگەڵ کەمکردنەوەی کۆمەڵە، مامۆستایەک بە دوورخستنەوەی کارگێڕی و ٢ مامۆستا بە بێبەشکرانی لە پۆستی بەڕێوەبەریی سزادراون.
ئەم سزایانە لە لێکۆڵینەوەکانی دیوانی دادی کارگێڕی و دەستەی سەرپێچییەکانی کارگێڕی دەرچووە و لە ١٩ سەرماوەزی ١٤٠٤ بەم مامۆستایانە ڕاگەیەندراوە.
ناوەکانی مامۆستایانی دەرکردوو و ئەزموونیان بەم شێوەیەیە؛
١- مەجید کەریمی «سنە» – ماستەر لە زانستی سیاسی، ئەزموونی فەرمی ٢٣ ساڵ
٢- غەیاس نیعمەتی «سنە» – ماستەر لە دەروونناسی کلینیکی، ئەزموونی ١٨ ساڵ
٣- جەهانگیر بەهمەنی «سنە» – ماستەر لە فیزیا، ئەزموونی ٢٣ ساڵ
٤- ئومید شامحەممەدی «دیواندەرە» – ماستەر لە ژینگەپارێزی، ئەزموونی ٢٦ ساڵ
٥- پەرویز ئەحسەنی «دیواندەرە» – ماستەر لە زەویناسی، ئەزموونی ٢١ ساڵ
٦- کاوە محەممەدزادە «دیواندەرە» – خوێندکاری ماستەر لە کۆمەڵناسی، ئەزموونی ٢٢ ساڵ
٧- هیوا قریشی «دیواندەرە» – ماستەر لە ئەدەبیات، ئەزموونی ٢٦ ساڵ
٨- سەمیە ئەختەرشمار «مەریوان» – ماستەر لە زمانی ئینگلیزی، ئەزموونی ١٨ ساڵ
بەپێی وتەکانی مەجید کەریمی، ٢ مامۆستا سەرەڕای دەرکردنی هەمیشەیی، بە دەرکردنی هەمیشەیی لە کارەکانی دەوڵەتی سزادراون.
سزاکانی دەرچووی دیکە؛
دەرکردنی کاتی لە خزمەت «٦ مانگ تا ساڵێک»؛
٩- شەهرام کەریمی «سەقز» – ئەزموونی ١٨ ساڵ
١٠- لوقمان ئەڵڵا مورادی «سەقز» – ئەزموونی ٢٦ ساڵ
١١- سەڵاح حاجی میرزایی «سنە» – ئەزموونی ٢٧ ساڵ
خانەنشینی ناچاری لەگەڵ کەمکردنەوەی کۆمەڵەکەی؛
١٢- نەسرین کەریمی «سنە» – ئەزموونی ٢٦ ساڵ، کەمکردنەوەی ٢ کۆمەڵە
١٣- لەیلا زارەعی «سنە» – ئەزموونی ٣٢ ساڵ، کەمکردنەوەی کۆمەڵەیەک
١٤- سلێمان عەبدی «سەقز» – ئەزموونی ٣٠ ساڵ، کەمکردنەوەی ٢ کۆمەڵە
دوورخستنەوەی کارگێڕی؛
١٥- فەیسەڵ نووری «سنە» – ماستەر لە بیرکاری، دوورخستنەوە بۆ کرماشان
بێبەشبوونی لە پۆستەکانی بەڕێوەبەریی؛
١٦- مەحیەددین ڕیحانی «سنە» – پێنج ساڵ بێبەشبوون
١٧- تابان حەدادیان «سنە» – ساڵێک بێبەشبوون + ٣ مانگ نەدانی مووچەکەی
