عەبدوڵڵا قولیزادە و هێمن قولیزادە لەلایەن هێزە ئەمنییەکانی شاری بۆکانەوە دەستگیر کران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، ڕۆژی شەممە ١٠ی سەرماوەزی ١٤٠٣ عەبدوڵڵا قولیزادە، لەگەڵ کوڕەکەی هێمن قولیزادە، لەلایەن هێزە ئەمنییەکانی شاری بۆکانەوە دەستگیر کران و بۆ شوێنێکی نادیار گواسترانەوە. هێزە ئەمنییەکان بەبێ بڕیاری دادوەر هێرشیان کردۆتە سەر ماڵی ئەم دوو هاوڵاتییە و بە نواندنی توندوتیژی بەرامبەریان دەستگیر کراون. بەپێی ئەم ڕاپۆرتە ئەم دوو هاوڵاتییە بۆ لێپرسینەوە بۆ گرتووخانەیەکی ئەمنی ورمێ گواسترانەوە.
تا کاتی نووسینی ئەم ڕاپۆرتە زانیارییەک لە هۆکارەکانی دەستگیری، شوێنی مانەوە و تۆمەتەکانی دژی ئەم دوو هاوڵاتییە لەبەردەستدا نییە.
