ئارتین ڕۆستەمی، هاووڵاتییەکی خەڵکی گوندی هۆیە سەر بە شاری سنە، لە چەند ڕۆژی ڕابردوودا لەلایەن هێزەکانی ڕژیم دەستبەسەرکرا.
بەپێی ڕاپۆرتی کۆڵبەرنیوز، «ئارتین ڕۆستەمی» لە کاتی ناڕەزایەتییە جەماوەرییەکاندا لە تاران لەلایەن هێزەکانی ڕژیم دەستبەسەرکراوە. سەرەڕای ئەوەی چەند ڕۆژێک بەسەر دەستبەسەرکرانیدا تێپەڕیووە، بەڵام تا ئێستا هیچ زانیارییەک لەسەر بارودۆخ و شوێنی مانەوە و چارەنوسی نەخراوەتە بەردەستی بنەماڵەکەی و کەسوکارەکەی.
دەستبەسەرکرانیی ئارتین ڕۆستەمی شەپۆلێکی نیگەرانی و دڵەڕاوکێی لای بنەماڵەکەی و دەوروبەری دروستکردووە و هەوڵەکانیان بۆ بەدەستهێنانی زانیاری لەسەر بارودۆخی ناوبراو تا ئێستا بێ ئەنجام ماوە.
