ڕەزا عەلائی، فیلمسازی شاری بانە لەلایەن هێزە ئەمنیەکانی بانە دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز چوارشەمە ٢١ی خەرمانانی ١٤٠٣ ڕەزا عەلائی، فیلمسازی شاری بانە لەلایەن هێزە ئەمنیەکانی بانە لە گەراجی ماڵەکەی دەستبەسەرکرا و بۆ شوێنێکی نادیار گوازرایەوە. دەگوترێت دەستبەسەری ناوبراو بەبێ بڕیاری دادگا بوو و سەرەڕای لێکۆڵینی بنەماڵە و هاوڕێیانی هێشتا زانیاریەک لە چارەنووسی ناوبراو لەبەردەستدا نییە.
ڕەزا عەلائی، فیلمسازی شاری بانە، لەدایکبووی ١٣٥٦، خێزاندار و باوکی ٣ منداڵە. ناوبراو پێشتریش کاری سینەمایی زۆری کردووە و دەرهێنەری فیلمی ناوداری زەوییە پیسەکان، Dirty Lands بووە.
تاکاتی نووسینی ئەم ڕاپۆرتە، لەهۆکاری دەستبەسەری، شوێنی مانەوە و تۆمەتەکانی ناوبراو زانیاریەک لەبەردەستدا نییە.
