ڕاوین موتاعی، بەڕێوەبەری خوێندگە ئامادەییەکانی شاری دێولان، لەلایەن دەستەی پێداچوونەوەی سەرپێچییەکانی ئیدارەی وەزارەتی پەروەردە و فێرکردن لە کارەکەی دوورخرایەوە.
بەپێی ڕاپۆرتی کۆڵبەرنیوز بە وەرگرتنی لە کاناڵی شورای هەماهەنگی ڕێکخراوەکانی سنفی فەرهەنگیانی ئێران، ڕاوین موتاعی، بەڕێوەبەری خوێندنگە ئامادەییەکانی شاری دێولان لە وەزارەتی پەروەردە و فێرکردن دوورخرایەوە. لە ڕەشەمەی ساڵی ڕابردوودا دوورخستنەوەی ناوبراو لەلایەن دەستەی پێداچوونەوەی سەرپێچییەکانی ئیدارەی وەزارەتی پەروەردە و فێرکردن دەرچووە و بە ناوبراو ڕاگەیەندراوە.
لەم ڕاپۆرتەدا هاتووە، ناوبراو پێشتریش لە دەستەی سەرەتایی سەرپێچییەکانی ئیداری بە تۆمەتی «سووکایەری بە پیرۆزییەکان و بانگەشە بۆ کۆمەڵەکانی دژبەری ڕژیم» بە ساڵێک دوورخستنەوە لە خزمەت سزای بەسەردا سەپێندرابوو.
ڕاوین موتاعی، بڕوانامەی ماستەری لە کیمیا هەیە و بەڕێوەبەری خوێندنگە ئامادەییەکانی شاری دێولانە.
