ئەسعەد باباکەرەمی، هاوڵاتی شاری سنە لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی شەمە ٢ی خاکەلێوەی ١٤٠٤، ئەسعەد باباکەرەمی، هاوڵاتی شاری سنە دەستبەسەرکرا. بەپێی ئەم ڕاپۆرتە، دەستبەسەرکرانی ناوبراو لە ڕێوڕەسمی نەورۆزی گوندی گاوەرە سەربە شاری سنە، لەلایەن هێزە ئەمنییەکانەوە و بەبێ بڕیاری دادوەر ئەنجامدراوە.
تا کاتی نووسینی ئەم ڕاپۆرتە، لە شوێنی مانەوە و تۆمەتەکانی دژی ئەم هاوڵاتییە زانیارییەک لەبەردەستدا نییە.
ئەسعەد باباکەرەمی، کوڕی سدیق، خەڵکی گوندی گاوەرە، دانیشتووی شاری سنە، خێزاندارە و باوکی ٣ منداڵە.
