حەسەن ئەحمەدی، هاوڵاتی شاری ماکۆ لەلایەن هێزە ئەمنییەکانەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی یەکشەمە حەوتی گوڵانی ١٤٠٤، هاوڵاتییەک لە شاری ماکۆ دەستبەسەرکرا. ناسنامەی ناوبراو، حەسەن ئەحمەدی، خەڵکی شاری ماکۆیە.
بەپێی ئەم ڕاپۆرتە، دەستبەسەرکرانی حەسەن ئەحمەدی بەبێ بڕیاری دادوەر لەلایەن هێزە ئەمنییەکانەوە لە ماڵەکەی خۆیدا ئەنجامدراوە. هاوکات لەگەڵ دەستبەسەرکرانی ئەم هاوڵاتییەدا هێزەکان ماڵی ناوبراویان پشکنیووە.
تا کاتی نووسینی ئەم ڕاپۆرتە، زانیارییەک لە هۆکارەکانی دەستبەسەری، شوێنی مانەوە و تۆمەتەکانی دژی ئەم هاوڵاتییە بەردەست نییە.
