لە ٢ ڕۆژی ڕابردوودا لانیکەم ٥ هاووڵاتی شاری دیواندەرە لەلایەن هێزە ئەمنیەکانی دیواندەرە دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز یەکشەمە ١٨ی خەرمانانی ١٤٠٣ موزەفەر دارایی، هاووڵاتی شاری دیواندەرە لەلایەن هێزە ئەمنیەکانی دیواندەرە دەستبەسەرکرا و بۆ شوێنێکی نادیار گوازرایەوە. بەپێی ئەم ڕاپۆرتە هێزە ئەمنیەکان بەبێ بەبێ بڕیاری دادگا ناوبراویان دەستبەسەرکرد.
شایانی باسە هاوکات فەرهاد قەمەری، خەڵکی گوندی کوتک و دانیشتووی دیواندەرە، محەمەد ئەمینی، ٣٩ ساڵان کوڕی حاجی خەلیل و خەڵکی گوندی کانی سفید و نەوید شەریفی، کوڕی ئومێد و خەڵکی گوندی کانی سفید و فواد مورادی، هاووڵاتی ٣٧ ساڵان خەڵکی گوندی کێلەکەبود لە شاری دیواندەرە لەلایەن هێزەکانی ئیدارەی ئیتلاعاتی دیواندەرە دەستبەسەرکران و بۆ شوێنێکی نادیار گوازرانەوە. تا کاتی نووسینی ئەم ڕاپۆرتە هێزەکانی ئیدارەی ئیتلاعاتی سوپاس پاسداران بەبێ بڕیاری دادگا ناوبراوانیان دەستبەسەرکردبوو.
