سۆران موزەفەری، پەیام حسێنی تەمەن ١٧ ساڵ، کاوان سەبوری تەمەن ١٧ ساڵ، ئیحسان سەبوری تەمەن ١٧ ساڵ، ئەوراز زەمانی تەمەن ١٧ ساڵ و بێهروز ڕەشیدی تەمەن ١٧ ساڵ، پێنج لاوی خەڵکی شاری کامێران لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، ڕۆژی دووشەممە حەڤدەی خەرمانانی ١٤٠٤، سۆران موزەفەری لاوی خەڵکی شاری کامێران لەلایەن هێزەکانی ڕژیم دەستبەسەرکراوە و شوێنێکی نادیار گواسترایەوە. بەپێی ئەم ڕاپۆرتە سۆران موزەفەری نەخۆشی شەکرەی هەیە و ئەنسۆلین بەکاردێنێت.
ڕۆژی پێنجشەممە بیستی خەرمانانی ١٤٠٤، پەیام حسێنی تەمەن ١٧ ساڵ، خەڵکی گوندی «لۆن سادات» و دانیشتووی شاری کامێران لەلایەن هێزەکانی ڕژیم دەستبەسەرکراوە و بۆ شوێنێکی نادیار گواسترایەوە.
سەرلەبەیانی هەینی ٢١ خەرمانانی ١٤٠٤، کاوان سەبوری تەمەن ١٧ ساڵ و ئیحسان سەبوری تەمەن ١٧ ساڵ هەردوو خەڵکی گوندی «گازرخانی»ی سەربە شاری کامێران لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
هەروەها ڕۆژی دووشەممە حەڤدەی خەرمانانی ١٤٠٤، ئەوراز زەمانی تەمەن ١٧ ساڵ و بێهروز ڕەشیدی تەمەن ١٧ ساڵ، هەردوو خەڵکی گوندی «پاڵنگان»ی سەربە شاری کامێران لەلایەن هێزەکانی ڕژیم دەستبەسەرکران و بۆ شوێنێکی نادیار گواسترانەوە.
شایانی باسە هێزەکانی ڕژیم بەبێ بڕیاری دادوەر هێرشیان کردە سەر ماڵی ئەم پێنج لاوە و بە توندوتیژی دەستبەسەریان کردوون.
تا کاتی نووسینی ئەم ڕاپۆرتە هۆکارەکانی دەستبەسەرکران، شوێنی مانەوە و تۆمەتەکانی دژی ئەم هاوڵاتییانە نادیارە.
