ڕۆژی سێشەممە ٢١ی خاکەلێوەی ١٤٠٣، گەنجێکی کرێکار بە ناسنامەی “هادی چوپانی” خەڵکی شاری مەریوان، بەهۆی ژێر کەوتنی دەزگای ترێلەرەوە، گیانی لەدەستدا.
بەپێی ڕاپۆرتی کۆڵبەرنیوز، ڕۆژی سێشەممە ٢١ی خاکەلێوەی ١٤٠٣، گەنجێکی کرێکار بە ناسنامەی “هادی چوپانی”، خێزاندار و خەڵکی گوندی “سەیف”ی شاری مەریوان، لە کاتێکدا کە خەریکی کاری سەختی کرێکاری بوو لە سنووری باشماخی شاری مەریوان، کەوتووە ژێر دەستگای ترێلەر و گیانی لەدەستدا.
بێبەشکردنی بەمەبەستی کوردستان و نەبوونی ژێرخانی ئابووری و دابینکردنی هەلی کار هۆکاربووە کە زۆرێک ڕوو لە کاری قورس بکەن بە مووچەی کەم و یان ڕوویان لە دیاردەی وەکو کۆڵبەری و سوختبەری کردووە.
ئێران یەکێکە لە نائەمنترین وڵاتەکان بۆ کرێکاران بەجۆرێک کە تەنها لە سێ مانگی پاییزی ساڵی ڕابردووی هەتاوی، ٥٤٨ کرێکار بەهۆی ڕووداوی کارکردندا گیانیان لەدەستداوە.
