سروە شیری، پەیمان شیری و فەردین شیری هاووڵاتیانی بۆکان لەلایەن هێزەکانی ئەمنی بۆکان دەستبەسەرکران و بۆ گرتوخانەیەکی ئەمنی ورمێ گواسترانەوە.
بەپێی ڕاپۆرتی کۆڵبەرنیوز ٤ی ڕەزبەری ١٤٠٣ سروە شیری ٢٢ ساڵان، پەیمان شیری ١٩ ساڵان، خوشک و بران و فەردین شیری کوڕی مامیان هاووڵاتیانی گوندی تەرەغە لە بۆکان لەلایەن هێزەکانی ئەمنی دەستبەسەرکران. بەپێی ئەم ڕاپۆرتە هێزەکانی ئەمنی بەبێ بڕیاری دادگا ناوبراوانیان لە شوێنی نیشتەجێبوونیان لە گوندی تەرەغە دەستبەسەرکرد و بۆ گرتوخانەیەکی ئەمنی ورمێ گواسترانەوە.
تاکاتی نووسینی ئەم ڕاپۆرتە لە هۆکاری دەستبەسەری و تۆمەتەکانی دژی ناوبراوان زانیاریەک لەبەردەستدا نییە.
