«ناسر قۆرغچی و شەهاب قۆرغچی»، دوو هاووڵاتیی خەڵکی گوندی «کانی ڕەش»ی سەر بە شاری بۆکان، لەلایەن هێزە ئەمنییەکانەوە دەستبەسەر و بۆ شوێنێکی نادیار گواسترانەوە.

بەپێی ڕاپۆرتی کۆڵبەرنیوز، بەیانیی ڕۆژی شەممە ٢٣ی خەزەڵوەری ١٤٠٥، هێزە ئەمنییەکان چوونە شوێنی کاری ناسر قۆرغچی و شەهاب قۆرغچی لە میراوای بۆکان و بەبێ پیشاندانی بڕیاری دادوەری دەستبەسەرکران.
بەپێی زانیارییە بەدەستهاتووەکان، ئەم دوو هاووڵاتییە کە ئامۆزان و هەردووکیان خێزاندارن، نزیکەی کاتژمێر ١٠ی بەیانی دەستبەسەر کراون.
تا کاتی ئامادەکردنی ئەم ڕاپۆرتە، هیچ زانیارییەک لەبارەی هۆکاری دەستبەسەرکران و شوێنی ڕاگیرانی ناسر و شەهاب قۆرغچی بەردەست نییە. هەروەها ئەم دوو هاووڵاتییە لە کاتی دەستبەسەرکرانیانەوە تا ئێستا لە مافی دەستڕاگەیشتن بە پارێزەر و چاوپێکەوتن لەگەڵ خێزانەکانیان بێبەش کراون.

