یادگار ڕەحیمی کۆلبەری خەڵکی شاری بانە بە تەقەی ڕاستەوخۆی هێزەکانی هەنگی مەرزی لە ناوچەی سنووری هەنگەژاڵی بانە کوژرا.
بەپێی ڕاپۆرتی کۆڵبەرنیوز، ئێوارەی ڕۆژی سێشەممە ٢٣ی ڕەزبەری ١٤٠٢، “یادگار ڕەحیمی” کۆلبەری خەڵکی شاری بانە بە تەقەی ڕاستەوخۆی هێزەکانی هەنگی مەرزی لە ناوچەی سنووری هەنگەژاڵی بانە کوژرا. بەپێی ئەم ڕاپۆرته، هێزەکانی هەنگی مەرزی له سنووری هەنگەژاڵ تەقەیان له کۆمەڵێک کۆلبەر کردووه و له ئەنجامدا کۆلبەرێک کوژراوە و لانیکەم کۆلبەرێکی دیکەش برینداربووه.
تا کاتی نووسینی ئەم ڕاپۆرتە، ناسنامەی کۆلبەرەکانی تر یان کۆلبەرە بریندارەکانی تر بۆ کۆڵبەرنیوز پشتڕاست نەکراوەتەوە.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە و برینداربوون. لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
