دووشەممە، ١٦ ڕێبەندانی ١٤٠٢، بە تەقەی هەنگی مەرزی بانە، کۆڵبەرێک بە سەختی بریندار بوو
بە پێی ڕاپۆرتی کۆڵبەرنیوز، لاوێکی کۆڵبەر بە ناوی “نیزام تەیموری”، تەمەن ٣٨ ساڵ و خەڵکی سەقز، قاچی بە سەختی بریندار بووە.
بەپێی لێدوانی شایەتحاڵان، پاسەوانانی ڕژێم، دوای لێدان و ئەشکەنجەی ئەو کۆڵبەرە، ڕاستەوخۆ لە دووری چەند مەترێکەوە تەقەیان لێکردووە و قاچی کۆڵبەرەکە بە سەختی بریندار بووە.
بەپێی ئەو ئامارانەی ٢٠٢٣ لە کۆڵبەرنیوز تۆمارکراون، ٢٩٩ کۆڵبەر لە سنورەکان و ڕێگای نێوان پارێزگاکانی ئازەربایجانی ڕۆژئاوا، کوردستان و کرماشان بە هۆکارەکانی وەک تەقەی ڕاستەوخۆی هێزەکانی ڕژێم، هەرەسی ڕەنوو، بەستەڵەک، کەوتنە سەر مین، کەوتنە خوار لە شاخ و بەرزایی و حاڵەتی دیکە کوژران و بریندار بوون. لەم ژمارەیە ٣٢ کۆڵبەر (١١%) کوژران و ٢٦٧ کۆڵبەر (٨٩%) بریندار بوون. لە گشتیدا ٢٩٩ کۆڵبەر کە کوژران و بریندار بوون، ٢٦١ حاڵەت (٨٧%) بە تەقەی ڕاستەوخۆی هێزەکان بووە. لە گشتیدا ٢٩٩ کۆڵبەر کە کوژران و بریندار بوون، ٣٠ لەوانە منداڵی خوار ١٨ ساڵن.
