ئاران ئەمینی، هاوڵاتیی ٢٥ ساڵانی خەڵکی سەقز، دوای دەستبەسەرکرانی لەلایەن هێزەکانی ئیدارەی ئیتلاعاتەوە هێشتا لە بارودۆخی بێ‌ئاگاییدا بەسەر دەبات و هیچ زانیارییەک لەبارەی شوێنی ڕاگیرانی و دۆخی دۆسیەکەی بڵاو نەکراوەتەوە.
بەپێی ڕاپۆرتی کۆڵبەرنیوز، ڕۆژی هەینی ٢٤ی رەزبەری ١٤٠٥، هێزەکانی ئیدارەی ئیتلاعات بە هێرش بۆ سەر ماڵی خێزانیی ئاران ئەمینی لە سەقز و بەبێ نیشاندانی بڕیاری دادوەری، دەستبەسەر و بۆ شوێنێکی نادیاریان گواستەوە.
لەگەڵ تێپەڕبوونی پێنج ڕۆژ بەسەر دەستبەسەرکرانی ئەم هاوڵاتییەدا، تا ئێستا هیچ زانیارییەک لەبارەی هۆکاری دەستبەسەرکران، تۆمەتەکانی دژی و شوێنی ڕاگیرانی ناوبراو لەبەردەستدا نییە. هەروەها ئاران ئەمینی لە مافی دەستڕاگەیشتن بە پارێزەر و پەیوەندیکردن یان چاوپێکەوتن لەگەڵ خێزانەکەی بێ‌بەش کراوە.
