حەیدەر قادریان، هاوڵاتیی خەڵکی شاری سەقز، دوای ٢٢ ڕۆژ بەندکران و بە دانانی بارمتەی یەک میلیارد تمەنی، بە شێوەیەکی کاتی لە زیندان ئازاد کرا.
بەپێی ڕاپۆرتی کۆڵبەرنیوز، ڕۆژی دووشەممە ٢٧ی رەزبەری ١٤٠٥، حەیدەر قادریان بە دانانی بارمتەی یەک میلیارد تمەنی تا کۆتایی ئەنجامدانی دادگایی بە شێوەیەکی کاتی ئازاد کرا.
ئەم هاوڵاتییە ڕۆژی یەکشەممە ٥ی رەزبەری ١٤٠٥، لە ئەنجامی هێرشی هێزە ئەمنییەکان بۆ سەر ماڵی تایبەتی خۆی و بەبێ نیشاندانی بڕیاری دادوەری دەستبەسەر و بۆ شوێنێکی نادیار گواسترابوویەوە.
تا کاتی ئامادەکردنی ئەم ڕاپۆرتە، زانیاریی ورد لەبارەی تۆمەتەکانی دژی حەیدەر قادریان و وردەکاریی دۆسیە یاساییەکەی بڵاو نەکراوەتەوە.
