کەیوان کەمانگەرنەسب (موختار زارعی)، یەکێک لە چالاکانی مەدەنی ناوداری شاری سنە، لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ئەمڕۆ دووشەممە ڕێکەوتی ٣ی ڕەزبەری ١٤٠٢، کەیوان کەمانگەرنەسب (موختار زارعی)، یەکێک لە چالاکانی مەدەنی بەناوبانگی شاری سنە، پاش هێرشی هێزەکانی لیباس شەخسی بۆ سەر ماڵەکەی، دەستبەسەر و بۆ شوێنێکی نادیار گوازرایەوە.
تا ساتی ئامادەکردنی ئەم ڕاپۆرتە هیچ زانیارییەک لەسەر و هۆکاری دەستگیرکردن و ئەو تۆمەتانەی کە بۆ ئەم هاوڵاتییە گەڕێنراوەتەوە دەست نەکەوتووە.
موختار زارعی پێشتر بەهۆی چالاکییەکانیەوە بانگهێشت کراوە و دەستبەسەر کراوە.
