سێ هاووڵاتی خەڵکی گوندی «قوزلوی ئافشار»ی سەربە شاری سائیین قەڵا لەلایەن هێزە ئەمنییەکان دەستبەسەر و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز ڕۆژی پێنجشەممە ٢٠ی گوڵانی ١٤٠٣، سێ هاووڵاتی خەڵکی گوندی «قوزلوی ئافشار» بە ناوەکانی «سالار بەیگی، عەلی شیری و ناسر مورادی» لەلایەن هێزە ئەمنییەکانی شاری سائیین قەڵا دەستبەسەر و بۆ شوێنێکی نادیار گواسترانەوە.
بەپێی ئەم ڕاپۆرتە هێزە ئەمنییەکان بە هێرش بۆ ماڵی تایبەتی ئەم هاووڵاتیانە و بەبێ بڕیاری دادگا ئەوانی دەستبەرکردووە.
تا کاتی نووسینی ئەم هەواڵە لە هۆکارەکان، شوێنی مانەوە و تۆمەتەکانی دژی ئەم هاووڵاتیانە زانیارییەک لەبەردەستدا نییە.
پێشتریش لە هەمان ڕۆژدا چوار هاووڵاتی دیکە بە ناوەکانی «عوسمان عەباسی، ڕەحمان خوسرەوی، هێمن عەلیزادە و شەهرام سوڵتانی» خەڵکی گوندی «حاجیاوا»ی سەربە شاری سائیین قەڵا لەلایەن هێزە ئەمنییەکان دەستبەسەر و بۆ شوێنێکی نادیار گواسترابوونەوە.
