ئازاد حاجی میرزایی، هاووڵاتییەکی خەڵکی شاری سنە، سەرەڕای تێپەڕبوونی زیاتر لە بیست ڕۆژ بەسەر دەستبەسەرکرانیدا، هێشتا لە گرتووخانەی ئیدارەی ئیتلاعاتی سنەدایە.
بەپێی ڕاپۆرتی کۆڵبەرنیوز، ئازاد حاجی میرزایی، هاووڵاتیی خەڵکی شاری سنە، سەرەڕای تێپەڕبوونی زیاتر لە بیست ڕۆژ بەسەر دەستبەسەرکرانی، هێشتا لە گرتووخانەی ئیدارەی ئیتلاعاتی سنەدایە.
بەپێی ئەم ڕاپۆرته، ئازاد حاجی میرزایی له دوای دەستگیرکردنی تەنها یەکجار توانیویەتی پەیوەندییەکی تەلەفۆنی لەگەڵ بنەماڵەکەی بکات. لەو پەیوەندییەدا باسی لەوە کردووە کە لە گرتووخانەی ئیدارەی ئیتلاعاتی سنەیە.
ئازاد حاجی میرزایی، سەرلەبەیانی ڕۆژی شەممە ٢٥ی خەرمانانی ١٤٠٢، هاوکات لەگەڵ ساڵڕۆژی کوشتنی ژینا ئەمینی و ساڵڕۆژی شۆڕشی ژینا، لە ماڵەکەی خۆی کە دەکەوێتە شاری سنە، لەلایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزرا.
