شیرکۆ حیجازی هاووڵاتییەکی خەڵکی شاری سەقز، لەلایەن هێزە ئەمنییەکانی ئەم شارەوە دەستبەسەر و بۆ شوێنێکی نادیار گوازراوەتەوە.
بەپێی ڕاپۆرتی کۆڵبەرنیوز، ڕۆژی دووشەممە ٢٠ی خەرمانانی ١٤٠٢، شیرکۆ حیجازی، هاووڵاتییەکی خەڵکی شاری سەقز، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازراوەتەوە.
بەپێی ئەم ڕاپۆرتە، هێزە ئەمنییەکان بەبێ فەرمانی دادگا و بە بەکارهێنانی توندوتیژی، شێرکۆ حیجازییان لە یەکێک لە شەقامەکانی نزیک شوێنی کارەکەی دەستگیرکردووە.
تا کاتی نووسینی ئەم هەواڵە هیچ زانیارییەک لەسەر شوێنی زیندانی کرانی، هۆکاری دەستگیرکردنەکەی و ئەو تۆمەتانەی خراونەتە پاڵی نییە.
