عادل پیریزی هاووڵاتییەکی خەڵکی شاری مەریوان دوای بانگهێشتکردنی بۆ ئیدارەی ئیتلاعاتی ئەم شارە دەستبەسەر کرا.
بەپێی ڕاپۆرتی کۆڵبەرنیوز، دوێنێ دووشەممە ٢٩ی خەزەڵوەری ١٤٠٢، عادل پیروزی، زیندانی پێشوو و هاووڵاتی خەڵکی گوندی “سەردوش” سەر بە شاری مەریوان، دوای بانگهێشتکردن و بۆ ئیدارەی ئیتلاعاتی ئەم شارە دەستبەسەر کرا.
تا ساتی نووسینی ئەم ڕاپۆرتە هیچ زانیارییەک لەسەر هۆکاری دەستگیرکردنەکە و تۆمەتەکانی ئەم هاوڵاتییە لەبەردەستدا نییە.
جێگای ئاماژەیە کە عادل پیروزی پێشتر لەلایەن دادگای ئینقلابی مەریوانەوە بە تۆمەتی هاوکاری لەگەڵ حیزبە ئۆپۆزسیۆنەکانی کوردستانی کۆماری ئیسلامی بە دوو ساڵ زیندانی تەعزیری مەحکووم کرابوو.
ناوبراو لە زستانی ساڵی ١٣٩٨ بۆ جێبەجێکردنی ئەم حوکمە گوازرایەوە بۆ زیندانی مەریوان و دواجار لە مانگی خاکەلێوەی ١٣٩٩ لە زیندان ئازاد کرا.
