کرماشان؛ گیانبەختکردنی ئەسرا تاووسی نیا، منداڵێکی ١٥ ساڵ بەهۆی تەقەی راستەوخۆی هێزە سەرکوتگەرەکان

«ئەسرا تاووسی نیا»، منداڵێکی ١٥ ساڵ، خەڵکی گوندی «دەشتی بوڵاغ»ی سەر بە شاری سونقور و کەلیایی، یەکێک لە گیانبەختکردووانی نارەزایەتییە جەماوەرییەکانی کرماشانە کە دوای تەحەمولکردنی برینە سەختەکانی، گیانی لەدەستدا.

بەپێی ڕاپۆرتی کۆڵبەرنیوز، ئێوارەی پێنجشەممە، ١٨ی بەفرانباری ١٤٠٤، ئەسرا تاووسی نیا، ١٥ ساڵ، لە کاتی نارەزایەتییە جەماوەرییەکانی کرماشاندا، بە تەقەی ڕاستەوخۆی هێزە سەرکوتگەرەکانی کۆماری ئیسلامیی ئێران بە توندی بریندار بوو و دوای زیاتر لە دوو هەفتە بەرگەگرتنی برینەکان و بەهۆی سنووردارکردنی توندی دەستڕاگەیشتن بە ئیمکاناتی چارەسەرکردن، لە ڕۆژی ٤ی رێبەندانی ١٤٠٤ گیانی لەدەستدا.

ئەم کچە گەنجە بە چەکی ساچمەیی و لە «سک و ئەندامی زاوزێیەوە» کرایە ئامانج و بەهۆی خوێنبەربوونی زۆر، ناچار بوو زیاتر لە دوو هەفتە بە شێوەیەکی نهێنی و بە یارمەتی پزیشکانی خۆبەخش چارەسەر بکرێت.​​​​​​​​​​​​​​​​

بەپێی زانیارییە بەدەستهاتووەکان، بارودۆخی ئەمنیی توند، دەستبەسەرکرانی نارەزایان و گیانلەدەستدانی هاووڵاتییان لە ناوەندە چارەسەرکەرەکاندا، ڕێگری کردبوو لە گواستنەوەی ئەسرا تاووسینیا بۆ نەخۆشخانە و وەرگرتنی خزمەتگوزارییە پزیشکییە فەرمییەکان و خێزانەکەی لەژێر فشارە ئەمنییەکاندا ئیمکانی بەدواداچوونی چارەسەری منداڵەکەیانیان نەبوو.​​​​​​​​​​​​​​​​

کۆڵبەرنیوز

Next Post

ئەسفەراین؛ گیانبەختکردنی بیژەن ئیبراهیمی، هاووڵاتییەکی کوردی ٣١ ساڵ، لە نارەزایەتییە جەماوەرییەکاندا

ج ژانویه 30 , 2026
«بیژەن ئیبراهیمی»، هاووڵاتییەکی کوردی ٣١ ساڵ، خەڵکی گوندی «توی» سەر بە ئەسفەراین و باوکی دوو منداڵ، یەکێکی تر لە گیانبەختکردووانی نارەزایەتییە جەماوەرییەکان لەم شارەیە. بەپێی ڕاپۆرتی کۆڵبەرنیوز، ئێوارەی پێنجشەممە، ١٨ی بەفرانباری ١٤٠٤، بیژەن ئیبراهیمی، هاووڵاتییەکی ٣١ ساڵ، لە کاتی نارەزایەتییە جەماوەرییەژانی چوارڕێی کاتژمێری ئەسفەراین، بە تەقەی ڕاستەوخۆی گوللەی جەنگی هێزە […]

بابەتی پەیوەندیدار