پووریا جەواهێری دانیشتووی کامێران و یەکێک لە دەستبەسەرکراوەکانی ناڕەزایەتییە سەرتاسەرییەکانی ساڵی ١٤٠١ لە زیندانی کامێرانەوە بۆ زیندانی سنە گواسترایەوە.
بەپێی ڕاپۆرتی کۆڵبەرنیوز، پووریا جەواهێری، دانیشتووی کامێران و یەکێک لە دەستبەسەرکراوەکانی ناڕەزایەتییە سەرتاسەرییەکانی ساڵی ١٤٠١، لە زیندانی کامێرانەوە بۆ زیندانی سنە گواسترایەوە. پووریا جەواهێری نزیکەی دوو هەفتە لەمەوبەر لە زیندانی کامێرانەوە بۆ ئەو زیندانەی ئاماژەی پێکراوە گواسترایەوە. بەپێی ئەم ڕاپۆرتە، تا ئێستا دانیشتنی دادگا سەبارەت بە تۆمەتەکانی سەر پووریا جەواهێری بەڕێوە نەچووە.
پووریا جەواهێری لە ٨ی سەرماوەزی ١٤٠١ دوای بانگهێشتکردنی بۆ زانیاریی فەیلەقی کامیاران دەستبەسەر و لە کۆتایی مانگی ڕێبەندانی ١٤٠١دا بۆ زیندانی کامێران گواسترایەوە.
