سەقز؛ دەستگیرکردنی سەمیرە ئەحمەدی لەلایەن هێزە ئەمنییەکانەوە
سەمیرە ئەحمەدی یەکێک لە چالاکانی مەدەنی شاری سەقز لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی چوارشەممە ٢٢ی خەرمانانی ١٤٠٢، سەمیرە ئەحمەدی، یەکێک لە چالاکانی مەدەنیی شاری سەقز، کاتژمێر ١١:٠٠ی بەیانی لەلایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزرا.
هێزە ئەمنییەکان بەبێ فەرمانی دادگا ئەم هاوڵاتیەیان دەستگیرکردووە و تا ساتەوەختی ڕاپۆرتەکەش هیچ زانیارییەک لەبارەی شوێنی مانەوە و تۆمەتەکانی ئەم هاوڵاتییە لەبەردەستدا نییە.
