چیا نەسروڵڵایی، هاوڵاتی شاری مهاباد لەلایەن هێزە ئەمنییەکانی مهابادەوە دەستگیر کرا و بۆ شوێنێکی نادیار گواسترایەوە. ژمارەی دەستگیرکراوانی مهاباد لە ڕۆژانی ڕابردوودا گەیشتە ١٥ هاوڵاتی.
بەپێی ڕاپۆرتی کۆڵبەرنیوز، ڕۆژی یەکشەممە ٢٥ی سەرماوەزی ١٤٠٣ هاوڵاتییەکی تەمەن ٣٨ ساڵی خەڵکی شاری مهاباد بە ناوی چیا نەسروڵڵایی، لەلایەن هێزەکانی ئیدارەی ئیتلاعاتەوە لە شوێنی کارەکەیدا دەستبەسەر کرا. چەندین ئوتۆمبیلی پلاکی تایبەت بەبێ بڕیاری دادوەر و بە شێوەیەکی توندوتیژانەوە پاش دەورەدانی دوکانی ئەم هاوڵاتییە لە ناوچەی بەری شیلان، ناوبراویان دەستبەسەر کرد و بۆ شوێنێکی نادیار ڕاگوێزرا.
تا کاتی نووسینی ئەم ڕاپۆرتە هیچ زانیارییەک لە هۆکارەکانی دەستگیرکران، شوێنی مانەوە و ئەو تۆمەتانەی دراونەتە پاک ئەم هاوڵاتییە لەبەردەستدا نییە.
