«ساسان پاکڕەوان»، هاوڵاتی خەڵکی شاری ئیلام و لە دەستبەسرکراوانی ناڕەزایەتییەکانی بەفرانبار، دوای نزیکەی سێ مانگ لە دەستبەسەرکران، بە دانانی بارمتەی قورس و بەشێوەیەکی کاتیی لە زیندان ئازاد کرا.
بەپێی ڕاپۆرتی کۆڵبەرنیوز، ڕۆژی پێنجشەممە ٢٨ی خاکەلێوەی ١٤٠٥، ساسان پاکڕەوان بە دانانی بارمتەی هەشت ملیارد تمەن و بە کەفالەتی کارمەندێک، هەتا کۆتایی پرۆسەی دادگاییەکەی لە زیندانی ناوەندیی ئیلام ئازاد کرا.
ئەم هاوڵاتییە ڕۆژی سێشەممە ٧ی رێبەندانی ١٤٠٤، لە کاتی هێرشی هێزەکانی رژیم بۆ سەر ماڵی خێزانەکەی و بە بەکارهێنانی توندوتیژی دەستبەسەر و بۆ گرتووخانە گواسترابوویەوە.
بەپێی زانیارییە بەدەستهاتووەکان، دامەزراوە ئەمنییەکان و دادوەری تۆمەتەکانی وەک «محارەبە» و «تەقەکردن» بەسەریدا سەپاندووە؛ ئەو تۆمەتانەی کە لە چوارچێوەی یاساکانی کۆماری ئیسلامی دەتوانن لەگەڵ سزاکانی قورسدا بەرەروو بن.
هەروەها ڕاپۆرتەکان ئاماژە بەوە دەدەن کە ساسان پاکڕەوان لە ماوەی دەستبەسەرکرانیدا لە دەستڕاگەیشتن بە مافە سەرەتاییەکان، لەوانە پەیوەندی بە خێزانەکەیەوە و دەستڕاگەیشتن بە پارێزەر، بێبەش بووە، و لە کۆتاییدا دوای نزیکەی سێ مانگ دەستبەسەربوون بە دانانی بارمتەی قورس بەشێوەیەکی کاتیی ئازاد کرا.
