«میلاد موحەببی»، هاوڵاتی تەمەن ٣٠ ساڵ لە خەڵکی گەڕەکی شەهیاد لە کرماشان، یەکێکی تر لە گیانبەختکردووانی نارەزایەتییە جەماوەرییەکانی ئەم شارەیە کە دوای برینداربوون بە گوللەی جەنگی گیانی لەدەستدا.
بەپێی راپۆرتی کۆڵبەرنیوز، ڕۆژی هەینی، ١٩ی بەفرانباری ١٤٠٤، میلاد موحببی لە ئەنجامی سەختی برینەکانی بەهۆی تەقەی ڕاستەوخۆی هێزەکانی رژیم، لە نەخۆشخانەی تاڵەقانی کرماشان گیانی بەختکرد. ناوبراو یەک ڕۆژ پێشتر، پێنجشەممە، ١٨ی بەفرانباری ١٤٠٤، لە کاتی نارەزایەتییە جەماوەرییەکانی گەڕەکی نوبەهاری کرماشان کرایە ئامانجی تەقەی راستەوخۆ و بەسەختی بریندارببوو.
لەسەر بنەمای نەخشە دووبارەبووەکان لە مامەڵەی دامەزراوە ئەمنییەکان لەگەڵ گیانبەختکددووانی نارەزایەتییەکان، خێزانەکان ڕووبەڕووی کەشێکی ئەمنی، فشار و سنوورداری لە ڕاگەیاندن و بەڕێوەبردنی مەراسیمی بەخاکسپاردن دەبنەوە و هەوڵدەدرێت وردەکارییەکانی پەیوەست بە چۆنیەتی کوژرانی گیانبەختکردووان بە شاراوەیی بمێنێتەوە.
